"Chelsi"ning bugungi kundagi yetakchilaridan biri Enso Fernandes Lissabonning "Benfika" klubidan ko‘chib o‘tganidan so‘ng dastlabki olti oyda "ko‘klar" lageridagi faoliyatini esladi.

"Men kelganimda, bu yerdagi dastlabki olti oy juda og‘ir kechdi: murabbiylar almashdi, klubda ishlar unchalik yaxshi ketmadi, jarohatlar bor edi. Men ularni yengishga muvaffaq bo‘ldim va o‘shandan beri biz yaxshi harakat qilmoqdamiz. Men buni mas’uliyat bilan qabul qilishga harakat qildim. Maydondagi o‘yinimdan norozi edim, keyin jarohat oldim, ko‘p yomon narsalar yuz berdi, men oldinga o‘tishga harakat qildim, lekin bugun men o‘zimni juda yaxshi his qilyapman, jamoa ham, va umid qilamizki, xuddi shu holatda davom etamiz", - deya Fernandesning so‘zlarini keltiradi «ESPN».

Eslatib o‘tamiz, Fernandes 2023 yilning qishida Qatardagi jahon chempionatidan so‘ng "Chelsi"ga o‘tgan edi. Ushbu transfer "ko‘klar"ga rekord darajadagi 121 million yevroga tushdi. Argentinalik futbolchining "Chelsi" bilan shartnomasi 2032 yilning yoziga qadar tuzilgan.