Karlo Anchelotti joriy Chempionlar ligasining favoritlari haqida o‘z fikri bilan o‘rtoqlashdi.
O‘tgan mavsumda "Real" finalda "Borussiya"ni 2:0 hisobida mag‘lub etib, turnir g‘olibi bo‘lgandi.
"G‘alaba hech qachon oson bo‘lmaydi, ammo "Real"da boshqa klublarga qaraganda biroz osonroq.
Chempionlar ligasida hammaning maqsadi finalga chiqish. Hozircha yo‘limiz oson bo‘lgani yo‘q, lekin saralash uchun hali ikkita o‘yin bor, keyin ko‘ramiz.
"Liverpul" hozircha yaxshi o‘yin ko‘rsatmoqda, ammo biz mart va aprel oylarida tayyor bo‘lishimiz kerak", - dedi Karlo Anchelotti.
