“Nasaf” yangi mavsumga tayyorgarlikni boshladi
Yangi mavsumda chempionlikni himoya qilishni maqsad qilgan “ajdarlar” 3 yanvardan boshlab, Qarshidagi qarorgohlarida yig‘ilishdi va mashg‘ulotlarni boshlab yuborishdi. Jamoa tarkibida yosh futbolchilar ham ko‘rikdan o‘tishmoqda. Murabbiylar jamoani tark etgan futbolchilar o‘rnini to‘ldirish uchun seleksiya ishlarini ham olib borishmoqda. “Nasaf” yanvar oyida mashg‘ulotlarni Qarshida olib boradi.
Tayyorgarlikning ikkinchi qismi fevral oyida Turkiyaning Antaliya shahrida bo‘lib o‘tadi. Antaliyadagi o‘quv mashg‘ulot yig‘ini doirasida xorij jamolari bilan nazorat uchrashuvlarini o‘tkazish rejalashtirilgan. Jamoaga “Liyepaja” (Latviya), “Veres Rivne” (Ukraina), “Fakel” (Rossiya), “Baltika” (Rossiya), “Shaxtyor” (Qozog‘iston) va “Spartak” (Moskva) jamoalari raqiblik qilishadi.
