Dani Olmo "Barselona"ni tark etish niyatida emas.
La Liga va Ispaniya Qirollik futbol federasiyasi (RFEF) “Barsa” Dani Olmo va Pau Viktorni ro‘yxatdan o‘tkazishdan bosh tortganini e’lon qilgan edi. Kataloniyaliklar Oliy sport kengashiga murojaat qilishdi.
Marca xabariga ko‘ra, Olmo boshqa jamoaga o‘tish haqida o‘ylamayapti. U Joan Laportaning va’dasiga ishonadi.
Ispaniyalik futbolchiga boshqa klublardan rasmiy takliflar tushmadi, faqat agentlar va vositachilar orqali norasmiy so‘rovlar bo‘ldi. Ular futbolchining qiziqishini uyg‘otmadi.
Yarim himoyachi Ispaniya Superkubogida ishtirok eta olishiga umid qilmoqda.
