"Barselona"ning sobiq hujumchisi, hozirda "Al-Hilol"da o‘ynayotgan Neymar o‘zining kataloniyalik sobiq jamoadoshlari Lionel Messi va Luis Suares o‘ynaydigan "Inter Mayami"ga o‘tishi haqidagi mish-mishlarga javob berdi.
"Albatta, Leo Messi va Luis Suares bilan yana o‘ynash ajoyib bo‘lardi. Ular mening do‘stlarim. Biz hali ham aloqadamiz. "Barselona"dagi triomizni jonlantirish qiziq bo‘lardi.
"Al-Hilol"da ham, Saudiya Arabistonida ham baxtliman, lekin kim biladi nima bo‘lishini. Futbol kutilmagan hodisalarga boy. Menga Saudiya Arabistonida taklif qilingan loyiha nafaqat men uchun, balki oilam uchun ham juda yaxshi bo‘ldi, shu bois bu mamlakatga sayohat eng yaxshi variant bo‘ldi", - dedi Neymar CNN bilan suhbatda.
Neymar, Messi va Suares 2014 yildan 2017 yilgacha "Barselona"da birga o‘ynashgan.
