"Барселона"нинг собиқ ҳужумчиси, ҳозирда "Ал-Ҳилол"да ўйнаётган Неймар ўзининг каталониялик собиқ жамоадошлари Лионель Месси ва Луис Суарес ўйнайдиган "Интер Майами"га ўтиши ҳақидаги миш-мишларга жавоб берди.
"Албатта, Лео Месси ва Луис Суарес билан яна ўйнаш ажойиб бўларди. Улар менинг дўстларим. Биз ҳали ҳам алоқадамиз. "Барселона"даги триомизни жонлантириш қизиқ бўларди.
"Ал-Ҳилол"да ҳам, Саудия Арабистонида ҳам бахтлиман, лекин ким билади нима бўлишини. Футбол кутилмаган ҳодисаларга бой. Менга Саудия Арабистонида таклиф қилинган лойиҳа нафақат мен учун, балки оилам учун ҳам жуда яхши бўлди, шу боис бу мамлакатга саёҳат энг яхши вариант бўлди", - деди Неймар CNN билан суҳбатда.
Неймар, Месси ва Суарес 2014 йилдан 2017 йилгача "Барселона"да бирга ўйнашган.
