"Galatasaroy" yozda Ilkay Gyundogan transferini rejalashtirmoqda.
Turk klubi "Manchester Siti" yarim himoyachisi "Barselona"dagi bir mavsumdan so‘ng "Etihad"ga qaytishga qaror qilishidan oldin uni qo‘lga kiritishga harakat qilgandi.
ESPN ma’lumotlariga ko‘ra, "Galatasaroy" o‘yinchini yanvar oyida o‘ziga jalb qilish imkoniyatlariga shubha qilmoqda. Biroq, potensial transfer yozgi transfer oynasida amalga oshishiga umid bor, ayniqsa, agar "Siti" yangi yarim himoyachilarni sotib olsa.
Gyundoganning "Siti" bilan amaldagi shartnomasi mavsum oxirigacha amal qiladi va u 2026 yilgacha uzaytirilishi mumkin. Ushbu parametrni faollashtirish bo‘yicha qaror hali qabul qilinmagan.
