"Tottenxem" yarim himoyachisi Rodrigo Bentankur hushida ekanligi klubning rasmiy Twitter sahifasida ma’lum qilindi.
"Biz Rodrigoning hushida ekanligini, gapira olayotganini va qo‘shimcha tekshiruvlar uchun kasalxonaga yo‘l olishini tasdiqlashimiz mumkin," - deyiladi xabarda.
Angliya liga kubogining yarim final uchrashuvida "Liverpul"ga qarshi o‘yinda Bentankur burchak to‘pidan so‘ng yiqilib tushdi va "qizillar" jamoasi o‘yinchilari bilan aloqaga kirishmagan holda raqiblar jarima maydonchasi bo‘ylab hushsiz maydonda yotib qoldi.
Shifokorlar unga taxminan 8 daqiqa davomida yordam ko‘rsatishdi, shundan so‘ng uni zambilda olib chiqib ketishdi. Futbolchi kislorod niqobida edi.
