Angliyaning "Liverpul" klubining sobiq darvozaboni Loris Karius Germaniyaning "Shalke" klubi futbolchisiga aylanadi, deya xabar beradi taniqli jurnalist Fabrisio Romano.
Manbaning xabariga ko‘ra, futbolchi bugun, 10 yanvar kuni shartnoma imzolashdan oldin tibbiy ko‘rikdan o‘tadi.
31 yoshli Karius 2024 yilning iyulidan beri erkin agent hisoblanadi. Uning so‘nggi klubi "Nyukasl Yunayted" bo‘lib, germaniyalik darvozabon bu jamoa uchun ikkita o‘yin o‘tkazgan. Avvalroq futbolchi “Mayns”, “Beshiktosh” va “Union” klublarida ham o‘ynashga muvaffaq bo‘lgan.
"Shalke" ayni damda ikkinchi Bundesliga turnir jadvalida 13-o‘rinda bormoqda. Gelzenkirxenliklar 17-turdan keyin 20 ochkoga ega.
