Англиянинг "Ливерпуль" клубининг собиқ дарвозабони Лорис Кариус Германиянинг "Шальке" клуби футболчисига айланади, дея хабар беради таниқли журналист Фабрицио Романо.
Манбанинг хабарига кўра, футболчи бугун, 10 январь куни шартнома имзолашдан олдин тиббий кўрикдан ўтади.
31 ёшли Кариус 2024 йилнинг июлидан бери эркин агент ҳисобланади. Унинг сўнгги клуби "Ньюкасл Юнайтед" бўлиб, германиялик дарвозабон бу жамоа учун иккита ўйин ўтказган. Аввалроқ футболчи “Майнц”, “Бешиктош” ва “Унион” клубларида ҳам ўйнашга муваффақ бўлган.
"Шальке" айни дамда иккинчи Бундеслига турнир жадвалида 13-ўринда бормоқда. Гелзенкирхенликлар 17-турдан кейин 20 очкога эга.
