"Leypsig" mavsumning ikkinchi yarmida himoyani kuchaytirishi kerak. "Buqalar" rahbariyati anchadan beri Ridl Bakuning o‘tishi bo‘yicha muzokaralar olib bormoqda va klublar bu transfer bo‘yicha kelishib olishgan ko‘rinadi.

Florian Plettenbergning so‘zlariga ko‘ra, "Leypsig" o‘ng qanot himoyachisi uchun "bo‘rilar"ga 4-5 million yevro to‘laydi. Futbolchi shu juma kuni tibbiy ko‘rikdan o‘tishi kerak va "buqalar" tez orada transferni rasman e’lon qiladi.

Ridl Baku joriy mavsumda 18 ta o‘yin o‘tkazib, 2 ta gol urdi va 3 ta golli uzatmani amalga oshirdi.