Yakshanba kuni Ispaniya Superkubogi finalida "Real" va "Barselona" o‘zaro to‘qnash keladi. La Liganing birinchi turida kataloniyaliklar madridliklarni mehmonda 4:0 hisobida mag‘lub etishgandi va jurnalistlar matbuot anjumanida Karlo Anchelottiga buni eslatishdi.
"Birinchi davra o‘yinida nima bo‘lganini, nega ular bizni mag‘lub etgani haqida o‘ylashimiz kerak. Ertangi o‘yinda biz bu xatolardan qochishimiz kerak. "El-klasiko" har doim "El-klasiko", lekin finalda bosim bundan ham yuqoriroq.
Har bir mag‘lubiyat mag‘lubiyatdir. Mavsum davom etmoqda. Oldinda final, biz yangi unvonga yaqinmiz, shuning uchun biz ijobiy fikrdamiz. Futbolda hamma narsa sodir bo‘lishi mumkin, ayniqsa, har bir turnirda qatnashadigan jamoada. "Barselona"ga qarshi mavsumning birinchi o‘yini bilan solishtirganda, biz yaxshilandik va buni inkor etib bo‘lmaydi, lekin bu hech narsani kafolatlamaydi", dedi Anchelotti jurnalistlarga.
