Якшанба куни Испания Суперкубоги финалида "Реал" ва "Барселона" ўзаро тўқнаш келади. Ла Лиганинг биринчи турида каталонияликлар мадридликларни меҳмонда 4:0 ҳисобида мағлуб этишганди ва журналистлар матбуот анжуманида Карло Анчелоттига буни эслатишди.
"Биринчи давра ўйинида нима бўлганини, нега улар бизни мағлуб этгани ҳақида ўйлашимиз керак. Эртанги ўйинда биз бу хатолардан қочишимиз керак. "Эл-класико" ҳар доим "Эл-класико", лекин финалда босим бундан ҳам юқорироқ.
Ҳар бир мағлубият мағлубиятдир. Мавсум давом этмоқда. Олдинда финал, биз янги унвонга яқинмиз, шунинг учун биз ижобий фикрдамиз. Футболда ҳамма нарса содир бўлиши мумкин, айниқса, ҳар бир турнирда қатнашадиган жамоада. "Барселона"га қарши мавсумнинг биринчи ўйини билан солиштирганда, биз яхшиландик ва буни инкор этиб бўлмайди, лекин бу ҳеч нарсани кафолатламайди", деди Анчелотти журналистларга.
