Assosiasiya va Liga bitta stadiondan 2 tadan ortiq klub foydalanmasligi bo‘yicha kelishuvga erishdi.

Liga mazkur o‘zgarishlarni “Superliga va Proliga reglamenti”da aks ettirdi. Endi U21 jamoalarining asosiy maydondan foydalanishiga yo‘l qo‘yilmaydi.

Shuningdek, Assosiasiya tomonidan o‘tkaziladigan ayollar futbol musobaqalari taqvimlarini tuzishda ham ushbu kelishuv amalga tadbiq etiladi. Ya’ni, Superliga talablariga javob beradigan va Liga ro‘yxatida mavjud bo‘lgan stadiondan faqat 2 ta klub foydalanishi mumkin. Uchinchi jamoaning ushbu stadiondan foydalanishi taqiqlanadi.

Qo‘shimcha ma’lumot:
Liga ushbu masalani o‘z ichki musobaqalarida tartibga solgan bo‘lib, qur’a tashlanganda stadion omillari hisobga olinadi. Agar bitta stadiondan foydalanayotgan ikki klub bir musobaqada ishtirok etsa, ularning tur doirasidagi o‘yinlari farqli kunlarga to‘g‘ri keltiriladi: bir jamoa uyda o‘ynasa, ikkinchisi mehmonda o‘ynaydi. Agar ikki jamoa turli musobaqalarda ishtirok etayotgan bo‘lsa, Liga taqvim tuzishda maydonning tiklanish vaqtiga alohida e’tibor qaratadi. Bu qoida maydon uchun javobgar mutaxassislar bilan kelishuv asosida amalga oshiriladi.