Federiko Valverde Kilian Mbappega maslahat bera olmasligini aytdi.

"Real" yarim himoyachisi fransiyalik forvardning oktyabr oyida "Barselona"ga qarshi (0:4) La Liga o‘yinida 8 ta ofsayd qayd etgani haqida so‘raganida, bu haqda fikr bildirdi.

Bugun jamoalar Ispaniya Superkubogi finalida maydonga tushishadi.

"Men jahon chempionatida g‘olib chiqqan va boshqa jahon chempionati finalida o‘ynagan, Fransiyada hamma narsani yutgan futbolchiga bir narsani o‘rgata olmayman.

U afsona, dunyodagi eng yaxshilaridan biri va u nima qilishni biladi.

"Barsa" yuqori himoya chizig‘i bilan yaxshi ishlaydi. Lekin biz tayyor bo‘lishimiz kerak.

Birinchi navbatda, yarim himoyachilar va himoyachilar to‘g‘ri pas berishi va hujumchilarni darvoza tomon yo‘naltirish haqida ko‘proq qayg‘urishlari kerak", - dedi Valverde.