"Inter" bosh murabbiyi Simone Indzagi "Bolonya" bilan o‘yindagi durang (2:2) haqida gapirdi. “Neradzurrilar” o‘z maydonida ochko yo‘qotdi.

"Bolonya"ni tabriklayman, bugun biz uchun oson bo‘lmadi. Biz ajoyib o‘yin o‘tkazdik, kurashdik, vaziyatlar yaratdik. Bizga qarshi ikkinchi gol bilan bo‘lgan epizodda yaxshiroq o‘ynashimiz mumkin edi, ammo shundan keyin uchinchi golni urishimiz mumkin bo‘lgan epizodlar ko‘p bo‘ldi. G‘alaba qozonish uchun imkoniyatlar bo‘lgani uchun umidsizlikka tushish normal holat. Ammo jismonan tayyor bo‘lgan, ishni oxiriga yetkaza olgan jamoaga qarshi turdik", dedi Indzagi.