Ayni kunlarda O‘zbekiston Milliy antidoping agentligining 2025 yil uchun ishlab chiqilgan “Antidoping ta’limoti” o‘quv rejasiga asosan federasiya va assosiasiyalarda faoliyat olib borayotgan antidoping bo‘yicha mas’ul xodimlar uchun 3 kunlik o‘quv-seminar o‘tkazilmoqda.
Unda O‘zbekiston Og‘ir atletika federasiyasi mutaxassislari ham faol ishtirok etmoqda.
Bugun seminarning birinchi kunida Butunjahon antidoping Kodeksidagi sport federasiya (assosiasiya)larining roli va majburiyatlari, antidoping qoidabuzarlik turlari, doping test topshirish jarayoni, sportchi yoki vakilning huquq va majburiyatlari hamda Butunjahon antidoping agentligining ADEL platformasi va O‘zbekiston Milliy antidoping agentligi tomonidan ishga tushirilgan talim-uznada.uz platformalaridan foydalanish bo‘yicha ma’lumotlar berildi.
Seminar davomida ishtirokchilar o‘zlarini qiziqtirgan savollar bilan mutaxassislarga yuzlanishdi va kerakli javoblar olishdi. Seminar ertaga ham davom etadi.













