"Yuventus" "Nyukasl" markaziy himoyachisi Lloyd Kelliga qiziqish bildirmoqda.
Fabrisio Romanoning so‘zlariga ko‘ra, Turin klubi "Nyukasl"ga sotib olish imkoniyati bilan ijaraga olish uchun og‘zaki taklif bilan chiqqan. Biroq, inglizlar bunga rozi bo‘lmadi.
Insayderning so‘zlariga ko‘ra, "Nyukasl" ushbu haftada "Fenerbaxche"dan o‘yinchi uchun 13 million yevrolik taklifni rad etgan.
"Yuventus" 15 million yevro atrofida kelishuvga erishmoqchi. Kelishuv bo‘yicha muzokaralar davom etmoqda.
Yozda "Nyukasl"ga o‘tgan Kelli klub bilan 5 yillik shartnoma imzoladi. U joriy mavsumda APLda 9 ta o‘yinda maydonga tushib, bitta golli uzatmani amalga oshirdi.
