"Ювентус" "Ньюкасл" марказий ҳимоячиси Ллойд Келлига қизиқиш билдирмоқда.
Фабрицио Романонинг сўзларига кўра, Турин клуби "Ньюкасл"га сотиб олиш имконияти билан ижарага олиш учун оғзаки таклиф билан чиққан. Бироқ, инглизлар бунга рози бўлмади.
Инсайдернинг сўзларига кўра, "Ньюкасл" ушбу ҳафтада "Фенербахче"дан ўйинчи учун 13 миллион евролик таклифни рад этган.
"Ювентус" 15 миллион евро атрофида келишувга эришмоқчи. Келишув бўйича музокаралар давом этмоқда.
Ёзда "Ньюкасл"га ўтган Келли клуб билан 5 йиллик шартнома имзолади. У жорий мавсумда АПЛда 9 та ўйинда майдонга тушиб, битта голли узатмани амалга оширди.
