«Манчестер Юнайтед» ҳужумчиси Маркус Рэшфорднинг фаолияти борасида янги маълумотлар пайдо бўлди. Diario SPORT хабарига кўра, «Барселона» ижара муддати тугаганидан сўнг футболчини сотиб олиш ҳуқуқидан фойдаланмоқчи эмас, гарчи ўйинчининг ўзи Каталония клубида қолишни истаётган бўлса ҳам.
Таъкидланишича, «қизил иблислар» Рэшфордга яна бир имконият беришга тайёр, чунки бош мураббий Майкл Кэррик футболчининг ўйинини юқори баҳолайди. Мутахассис аллақачон вингер билан жамоага қайтиш имкониятлари ҳақида суҳбатлашиб улгурган.
«Бавария»нинг қизиқишига келсак, Маркуснинг Мюнхенга кўчиб ўтиши деярли имконсиз, чунки футболчининг молиявий талаблари жуда юқори. Манбага кўра, у фақат «Барселона» учунгина маош борасида катта ён беришга тайёр эди.
Ўтган мавсумда Рэшфорд барча турнирларда 49 та учрашувда майдонга тушиб, 14 та гол урган ва 14 та голли узатмани ўз ҳисобига ёздириб қўйган
