"Arsenal" markaziy himoyachisi Uilyam Saliba bo‘lajak o‘yinlarni o‘tkazib yuboradi.
Fransiyalik futbolchi "Aston Villa"ga qarshi yaqinda bo‘lib o‘tgan Premyer-liga o‘yinida tizzasidagi muammo tufayli maydonga tusha olmadi. Uchrashuvdan so‘ng bosh murabbiy Mikel Arteta futbolchining ahvolidan xavotirda ekanligini aytdi.
"L'Equipe" xabariga ko‘ra, "kanonirlar" keyingi ikki hafta davomida Salibadan foydalana olmaydi. Shuning uchun markaziy himoyachi Chempionlar ligasida Zagrebning "Dinamo" va "Jirona"ga qarshi o‘yinlarni, shuningdek, APL doirasida "Vulverxempton"ga qarshi o‘yinni o‘tkazib yuboradi. Futbolchining 2 fevral kuni bo‘lib o‘tadigan "Manchester Siti" bilan o‘yinda ishtirok etishi ham so‘roq ostida.