"Арсенал" марказий ҳимоячиси Уильям Салиба бўлажак ўйинларни ўтказиб юборади.
Франциялик футболчи "Астон Вилла"га қарши яқинда бўлиб ўтган Премьер-лига ўйинида тиззасидаги муаммо туфайли майдонга туша олмади. Учрашувдан сўнг бош мураббий Микель Артета футболчининг аҳволидан хавотирда эканлигини айтди.
"L'Equipe" хабарига кўра, "канонирлар" кейинги икки ҳафта давомида Салибадан фойдалана олмайди. Шунинг учун марказий ҳимоячи Чемпионлар лигасида Загребнинг "Динамо" ва "Жирона"га қарши ўйинларни, шунингдек, АПЛ доирасида "Вулверхэмптон"га қарши ўйинни ўтказиб юборади. Футболчининг 2 февраль куни бўлиб ўтадиган "Манчестер Сити" билан ўйинда иштирок этиши ҳам сўроқ остида.













