Mashhur futbol murabbiyi Joze Mourinyo alkogol mahsulotlari sohasiga kirib keldi. U o‘zining shaxsiy vinosini ishlab chiqardi. Brend "The Special One" deb nomlangan. Portugaliyalik mutaxassisning laqabi ham aynan shunday.
Yangi vino brendining veb-saytida Mourinyoning bayonoti e’lon qilindi. Mutaxassis ta’kidlashicha, sharob Portugaliyaning unga eng yoqadigan mintaqasida yig‘ilgan uzumdan tayyorlangan.
Sharob idishida Mourinyoning silueti tasvirlangan yorliq mavjud. "The Special One" sharobining bir shishasi narxi 120 yevroni tashkil etadi.