"Manchester Yunayted" vingeri Alexandro Garnacho va Italiyaning "Napoli" klubi o‘rtasidagi potensial mehnat shartnomasi tafsilotlari ma’lum bo‘ldi.
Avvalroq 20 yoshli argentinalik futbolchi yangi klubiga o‘tishga yaqin qolgani haqida xabar berilgandi. Jurnalist Daniele Longo xabariga ko‘ra, Garnachoning "Napoli" bilan shartnomasi 2030 yilgacha mo‘ljallangan.
Manbaga ko‘ra, futbolchi Neapolda bir mavsumda to‘rt million yevro ishlab oladi. Manbaning ta’kidlashicha, barcha bonus to‘lovlarini hisobga olgan holda, "Manchester Yunayted" Garnacho transferi uchun 71 million yevro olishga umid qilmoqda. 21 turdan keyin “Napoli” 50 ochko bilan Italiya A Seriyasida peshqadamlik qilmoqda.













