"Navbahor" qishki transfer "oynasi"dan samarali foydalangan holda, o‘z tarkibini mahoratli futbolchilar bilan to‘ldirishda davom etmoqda.
Shunday o‘yinchilardan biri, mahoratli darvozabon Shukron Yo‘ldoshev jamoa bilan ikki yillik shartnoma imzoladi.
Mazkur futbolchi 2002 yil, 21 aprelda Toshkent shahrida tug‘ilgan.
Faoliyati davomida “Paxtakor”ning turli yosh toifalaridagi jamoalarida o‘ynab, professional futboldagi faoliyatini 2021 yilda “Olimpik” (Toshkent)da boshlab, toshkentliklar safida o‘tgan mavsum yakuniga qadar to‘p tepgan.
Shukron Yo‘ldoshev O‘zbekistonning turli yosh toifalaridagi terma jamoalarida o‘ynagan.
"Biz “Navbahor”ning yangi futbolchisiga jamoamizda omad yor bo‘lib, “lochinlar”ning g‘alabalariga munosib hissasini qo‘shishiga tilakdoshmiz" - deyiladi namanganliklarning rasmiy bayonotida.













