"Manchester Yunayted" hujumchisi Markus Reshford "Barselona"da o‘ynash uchun ispan klubiga yon berishga tayyor.

Kataloniya klubi angliyalik futbolchini mavsum oxirigacha ijaraga olish borasida muzokaralar olib bormoqda. Muammolardan biri 27 yoshli futbolchining yuqori maoshi bo‘lib, uni "blaugrana" to‘liq to‘lay olmaydi. «Mundo Deportivo» xabariga ko‘ra, Reshford "Barselona"ga shartnomani yopishini osonlashtirish uchun maoshining bir qismidan voz kechishga tayyor.

So‘nggi kunlarda aynan La Liga grandlari forvardga asosiy da’vogar sifatida ko‘rilmoqda. "Qizil iblislar"ning yulduz tarbiyalanuvchisiga Dortmundning "Borussiya", "Milan" va "Monako" klublari ham qiziqish bildirishgan.