"Манчестер Юнайтед" ҳужумчиси Маркус Рэшфорд "Барселона"да ўйнаш учун испан клубига ён беришга тайёр.

Каталония клуби англиялик футболчини мавсум охиригача ижарага олиш борасида музокаралар олиб бормоқда. Муаммолардан бири 27 ёшли футболчининг юқори маоши бўлиб, уни "блауграна" тўлиқ тўлай олмайди. «Mundo Deportivo» хабарига кўра, Рэшфорд "Барселона"га шартномани ёпишини осонлаштириш учун маошининг бир қисмидан воз кечишга тайёр.

Сўнгги кунларда айнан Ла Лига грандлари форвардга асосий даъвогар сифатида кўрилмоқда. "Қизил иблислар"нинг юлдуз тарбияланувчисига Дортмунднинг "Боруссия", "Милан" ва "Монако" клублари ҳам қизиқиш билдиришган.