"Komo" "Real"dan yarim himoyachi Nikolas Pasning barcha huquqlarini sotib olmoqchi.

O‘tgan yilning avgust oyida Italiya klubi istiqbolli futbolchini "Los-Blankos"dan 6 million yevro evaziga sotib olgandi. Shu bilan birga, La Liga gigantlari Pasni bo‘lajak transfer summasining 50% huquqini saqlab qolishdi, shuningdek, shartnomaga o‘z tarbiyalanuvchisini arzonlashtirilgan narxda qaytarib olish bandini ham kiritdilar. Jurnalist Janluka di Marsioning so‘zlariga ko‘ra, "Komo" endi 20 yoshli o‘sib borayotgan yulduzni to‘liq sotib olish uchun "Real Madrid" bilan ikkala variantni ham istisno qilish bo‘yicha kelishuvga erishmoqchi. Tomonlar muzokara olib bormoqda.

Nikolas Pas joriy A Seriyada 19 uchrashuvda 4 ta gol urdi va 4 ta golli uzatmani amalga oshirdi. "Transfermarkt" argentinalik futbolchini 20 million yevroga baholamoqda.