"Bavariya" Bundesliganing 19-turidan so‘ng "Bayer" bilan ochkolar farqini oshirdi.
Vensan Kompani shogirdlari "Frayburg"ni mag‘lub etgan bo‘lsa (2:1), Leverkuzen klubi "Leypsig" bilan durang o‘ynadi (2:2).
Myunxenliklar hisobida 48 ochko bor va turnir jadvalida birinchi o‘rinda bormoqda. "Bayer"da 42 ochko, "Ayntraxt"da 36 ochko (bir o‘yin bor), "Shtutgart" va "Leypsig"da 32 ochko bor.
Dortmundning "Borussiya" klubi ayni damda 26 ochko bilan 10-o‘rinni egallab turibdi.














