"Liverpul" yanvar oyidagi transfer oynasi yopilishidan oldin "Ayaks"ning 18 yoshli himoyachisi Yorrel Xatoni sotib olishni ko‘rib chiqmoqda. Bu haqda TEAMtalk xabar bermoqda.
Manbaga ko‘ra, mersisaydliklar dastlab niderlandiyalik futbolchini kelasi yozda sotib olishni rejalashtirgandi. Biroq, ular 33 yoshli himoyachi Virjil van Deykning klubdagi kelajagiga shubha bilan qarashganligi sababli o‘z fikrlarini o‘zgartirishdi. Qolaversa, "Real" va "Chelsi" ham Xatoga qiziqishni oshirgan. Ta’kidlanishicha, "Ayaks" 18 yoshli futbolchi uchun 30 million yevro miqdoridagi takliflarni ko‘rib chiqishga tayyor.
Joriy mavsumda Xato barcha turnirlarda 31 ta o‘yin o‘tkazib, 3 ta gol urdi va 5 ta golli uzatmani amalga oshirdi.
