Tadbirda Sport vazirligi Oliy va professional sport ta’lim muassasalari bilan ishlash bo‘limi boshlig‘i Farxod Turdiyev, Andijon viloyati sport boshqarmasi boshlig‘i O‘.Toshpo‘latov va boshqarma mas’ul xodimlari hamda sport ta’lim muassasalari rahbarlari ishtirok etdi.
Davra suhbati davomida Prezidentimizning “Yoshlarning sport bilan muntazam shug‘ullanishi uchun qo‘shimcha shart-sharoitlar yaratish to‘g‘risida”gi qarorida belgilangan ustuvor vazifalar, shuningdek, ommaviy sportni rivojlantirish, aholidan sport sinovlarini qabul qilish, mahallalarda sport maydonchalarini barpo etish masalasiga alohida to‘xtatilib o‘tildi.
Bundan tashqari sport maktablari faoliyatini rivojlantirish, “Divizion sport musobaqalari”ni puxta tashkil etish, yil smetasi hamda “Tashabbusli byudjet”, investisiya loyihalari, nogironligi bo‘lgan shaxslarni sportga jalb etish dasturlarini amalga oshirishga oid vazifalar tahlil qilindi.
