"Inter" yozda Niko Pasni sotib olish uchun "Real" bilan raqobatlashishi mumkin.
Italiyalik jurnalist Nikolo Skiraning ma’lumotlariga ko‘ra, "neradzurrilar" "Komo"ning 20 yoshli yarim himoyachisini yozgi transferlar oynasi oldidan faol ravishda kuzatib borishmoqda. Argentinalik futbolchi bu mavsumda Sesk Fabregas jamoasidagi o‘yinlari bilan barchani hayratda qoldirmoqda.
Eslatib o‘tamiz, "Real Madrid" o‘tgan yozda "Komo"ga 6 millionga sotib yuborgan yosh futbolchisining kelajagini to‘liq nazorat qiladi va uni qaytarib olish huquqini o‘zida saqlab qoladi. Agar futbolchi Ispaniyaga qaytishni istamasa va boshqa klubga o‘tishga qaror qilsa, uning sotilgan pulining 50 foizini "Real" oladi.
