"Интер" ёзда Нико Пасни сотиб олиш учун "Реал" билан рақобатлашиши мумкин.

Италиялик журналист Николо Скиранинг маълумотларига кўра, "нерадзуррилар" "Комо"нинг 20 ёшли ярим ҳимоячисини ёзги трансферлар ойнаси олдидан фаол равишда кузатиб боришмоқда. Аргентиналик футболчи бу мавсумда Сеск Фабрегас жамоасидаги ўйинлари билан барчани ҳайратда қолдирмоқда.

Эслатиб ўтамиз, "Реал Мадрид" ўтган ёзда "Комо"га 6 миллионга сотиб юборган ёш футболчисининг келажагини тўлиқ назорат қилади ва уни қайтариб олиш ҳуқуқини ўзида сақлаб қолади. Агар футболчи Испанияга қайтишни истамаса ва бошқа клубга ўтишга қарор қилса, унинг сотилган пулининг 50 фоизини "Реал" олади.