Аргентина терма жамоасининг собиқ ярим ҳимоячиси Анхель Ди Мария Лионель Мессининг миллий жамоадаги фаолиятини якунлаш қарорига муносабат билдирди.
Ди Мария Мессининг баёнотини ўз ижтимоий тармоқларида улашиб, унга қисқа изоҳ қолдирди:
"Раҳмат, абадий сардор".
Икки футболчи Аргентина терма жамоаси сафида биргаликда катта муваффақиятларга эришган. Улар 2021 йилда Америка кубогида, 2022 йилда жаҳон чемпионатида ва 2024 йилда яна бир бор Америка кубогида ғолиб чиққан.
Ди Мария Аргентина терма жамоасидаги фаолиятини икки йил аввал якунлаган эди.
Месси эса миллий жамоада 2005 йилда дебют қилган. У Аргентина сафида 207 та учрашув ўтказиб, 125 та гол урган ва 65 та голли узатмани амалга оширган. Ҳар учала кўрсаткич ҳам терма жамоа рекорди ҳисобланади.
Лионель Месси клуб миқёсида фаолиятини давом эттирмоқда. У ҳозир МЛСда иштирок этувчи "Интер Майами" шарафини ҳимоя қиляпти. Футболчининг клуб билан шартномаси 2028 йилга қадар амал қилади.
