"Манчестер Сити" "Ливерпуль" ҳужумчиси Коди Гакпони ўз сафига қўшиб олиш имконияти камайганидан сўнг "Эвертон" вингери Илиман Ндиайега қизиқиш билдирмоқда.
Гакпо "шаҳарликлар"нинг устувор трансфер мақсадларидан бири эди. Бироқ "Ливерпуль" нидерландиялик футболчига муносиб ўринбосар топа олмагани сабаб уни қўйиб юборишдан бош тортди. Шундан сўнг "Манчестер Сити" ҳужум чизиғини кучайтириш учун муқобил вариант сифатида Ндиайе номзодига эътибор қаратди.
Таниқли инсайдер Фабрицио Романо маълумотига кўра, "Манчестер Сити" 26 ёшли сенегаллик футболчининг эҳтимолий трансфери юзасидан "Эвертон" билан аллақачон алоқага чиққан.
Transfermarkt маълумотига кўра, Илиман Ндиайенинг бозор қиймати 55 миллион еврони ташкил этади. Унинг "Эвертон" билан амалдаги шартномаси 2029 йил 30 июнга қадар мўлжалланган.
2026/27 йилги мавсумда Ндиайе "Эвертон" сафида 3 та учрашувда майдонга тушиб, 1 та голли узатмани амалга оширган.
