"Al-Hilol"ning braziliyalik hujumchisi Malkom yozda "Zenit"ga qaytmoqchi, chunki u Saudiya klubida o‘zini asosiy futbolchi sifatida his qilmayapti. Bu haqda «Sport Express» xabar bermoqda.
Manbaga ko‘ra, braziliyalik futbolchi Rossiyada o‘zini doim yaxshi his qilgan va hozirda "Zenit"ga qaytish uning faoliyati uchun ideal bo‘ladi, deb hisoblaydi. Eslatib o‘tamiz, Malkom 2019 yildan 2023 yilgacha "ko‘k-oq-ko‘klar" safida to‘p tepgan. Avvalroq futbolchi "Barselona" sharafini himoya qilgan.
Braziliyalik futbolchi "Zenit" bilan birgalikda to‘rt marta Rossiya chempionligini qo‘lga kiritdi va Rossiya kubogi va Superkubogi sohibiga aylandi. Hujumchi 2023 yilning iyulida "Al-Hilol"ga o‘tgandi.
