"Ал-Ҳилол"нинг бразилиялик ҳужумчиси Малком ёзда "Зенит"га қайтмоқчи, чунки у Саудия клубида ўзини асосий футболчи сифатида ҳис қилмаяпти. Бу ҳақда «Sport Express» хабар бермоқда.
Манбага кўра, бразилиялик футболчи Россияда ўзини доим яхши ҳис қилган ва ҳозирда "Зенит"га қайтиш унинг фаолияти учун идеал бўлади, деб ҳисоблайди. Эслатиб ўтамиз, Малком 2019 йилдан 2023 йилгача "кўк-оқ-кўклар" сафида тўп тепган. Аввалроқ футболчи "Барселона" шарафини ҳимоя қилган.
Бразилиялик футболчи "Зенит" билан биргаликда тўрт марта Россия чемпионлигини қўлга киритди ва Россия кубоги ва Суперкубоги соҳибига айланди. Ҳужумчи 2023 йилнинг июлида "Ал-Ҳилол"га ўтганди.