Madridning "Real" klubi Ispaniya chempionatining 2024/2025 yilgi mavsumi doirasidagi bahsda safarda "Espanyol"ga 0:1 hisobida imkoniyatni boy berdi. Shu tariqa, Karlo Anchelotti shogirdlari La Ligada safar o‘yinlaridagi 31 o‘yinlik golli seriyani to‘xtatdi. Bu haqda «Opta Sport» xabar bermoqda.
Manbaga ko‘ra, bu so‘nggi 10 yildagi ikkinchi eng uzoq davom etgan seriya. 2016 yilning yanvaridan 2017 yilning oktyabrigacha "Los Blankos" safarda ketma-ket 35 o‘yinda kamida bitta gol urgandi.
Eslatib o‘tamiz, "Real Madrid" Ispaniya chempionatining joriy mavsumida uchinchi mag‘lubiyatini qabul qilib oldi. Butun o‘tgan mavsum davomida Anchelotti shogirdlari faqat bitta mag‘lubiyat alamini totib ko‘rgandi.













