Italiya A Seriyasining 23-turida “Roma” va “Napoli” 2 fevral, yakshanba kuni bahs olib bordi.
Uchrashuvda O‘zbekiston milliy jamoasi sardori Eldor Shomurodov asosiy tarkibda maydonga tushdi. Bahsning 29-daqiqasida mehmonlar futbolchisi Spinazzola hisobni ochdi. 80-daqiqada Shomurodov o‘z o‘rnini Dibalaga bo‘shatib berdi. Qo‘shib berilgan daqiqalarning 2-sida Anxelino hisobni tenglashtirdi va jamoasi uchun qimmati bir ochkoga egalik qilish imkonini yaratdi.
Shomurodovning o‘yini Sofascore nashri tomonidan 6,6 ballga loyiq ko‘rildi. 80 daqiqa o‘ynagan futbolchi darvozaga aniq zarba bera olmagan bo‘lsa-da, raqiblarning hujumlarini qaytarishda jonbozlik ko‘rsatdi. Nashr uchrashuvning eng yaxshi o‘yinchisi sifatida Skot Maktominini e’tirof etdi — 7,7 ball. “Roma” tarkibida gol muallifi Anxelino eng yuqori — 7,6 ballga loyiq ko‘rildi.
Ushbu durangdan so‘ng, rimliklar hisobidagi ochkolar soni 31 taga yetdi va ular 9-o‘rinni egallab turibdi. Peshqadam “Napoli” hisobidagi ochkolar 54 taga yetgan.
“Roma” keyingi uchrashuvni Italiya Kubogi doirasida “Milan”ga qarshi o‘tkazadi. Uchrashuv 5 fevral kuni bo‘lib o‘tadi.
A Seriya. 23-tur
2 fevral, yakshanba
“Roma” — “Napoli” 1:1
Gollar: 0:1 — Spinassola (29), 1:1 — Anxelino (90+2).
“Roma”: Svilar, Anxelino, Ndika, Manchini, Rensx (Baldanzi, 80), Pizilli, Kristante (Dovbik, 64), Kone (Paredes, 56), El Shaaravi (Salemakers, 55), Shomurodov (Dibala, 80), Soule.
“Napoli”: Meret, Spinassola, Jezus, Rrahmani, Di Lorenso, Maktominey, Lobotka, Zambo-Angissa, Neres (Massokki, 76), Lukaku (Simeone, 81), Politano (Raspadori, 86).
Ogohlantirishlar: Politano (14), Kone (51), Pizilli (72).
