Италия А Сериясининг 23-турида “Рома” ва “Наполи” 2 февраль, якшанба куни баҳс олиб борди.

Учрашувда Ўзбекистон миллий жамоаси сардори Элдор Шомуродов асосий таркибда майдонга тушди. Баҳснинг 29-дақиқасида меҳмонлар футболчиси Спиназзола ҳисобни очди. 80-дақиқада Шомуродов ўз ўрнини Дибалага бўшатиб берди. Қўшиб берилган дақиқаларнинг 2-сида Анхелино ҳисобни тенглаштирди ва жамоаси учун қиммати бир очкога эгалик қилиш имконини яратди.

Шомуродовнинг ўйини Sofascore нашри томонидан 6,6 баллга лойиқ кўрилди. 80 дақиқа ўйнаган футболчи дарвозага аниқ зарба бера олмаган бўлса-да, рақибларнинг ҳужумларини қайтаришда жонбозлик кўрсатди. Нашр учрашувнинг энг яхши ўйинчиси сифатида Скот Мактоминини эътироф этди — 7,7 балл. “Рома” таркибида гол муаллифи Анхелино энг юқори — 7,6 баллга лойиқ кўрилди.

Ушбу дурангдан сўнг, римликлар ҳисобидаги очколар сони 31 тага етди ва улар 9-ўринни эгаллаб турибди. Пешқадам “Наполи” ҳисобидаги очколар 54 тага етган.

“Рома” кейинги учрашувни Италия Кубоги доирасида “Милан”га қарши ўтказади. Учрашув 5 февраль куни бўлиб ўтади.

А Серия. 23-тур
2 февраль, якшанба
“Рома” — “Наполи” 1:1
Голлар: 0:1 — Спинассола (29), 1:1 — Анхелино (90+2).
“Рома”: Свилар, Анхелино, Ндика, Манчини, Ренсх (Балданзи, 80), Пизилли, Кристанте (Довбик, 64), Коне (Паредес, 56), Эл Шаарави (Салемакерс, 55), Шомуродов (Дибала, 80), Соуле.
“Наполи”: Мерет, Спинассола, Жезус, Рраҳмани, Ди Лоренсо, Мактоминей, Лоботка, Замбо-Ангисса, Нерес (Массокки, 76), Лукаку (Симеоне, 81), Политано (Распадори, 86).
Огоҳлантиришлар: Политано (14), Коне (51), Пизилли (72).