“An-Nassr” hujumchisi Krishtianu Ronaldu “Real Madrid” futbolchisi Kilian Mbappe haqida fikr bildirdi.

Krishtianu markaziy hujumchi nuqtasi Mbappe uchun bir oz qiyinchilik tug‘dirayotganini aytdi.

“Fikrimcha, u bu chiziqda o‘ynashni yaxshi bilmaydi... Bu Mbappening buni qila olmasligidan emas, balki bu uning pozisiyasi emasligidan”, – deydi portugaliyalik hujumchi.

Ronaldu o‘zi “Real”da bo‘lganida Mbappeni markaziy hujumchi pozisiyasida qanday o‘ynashni o‘rgatishini aytdi.

“Chunki men ham boshida yakunlovchi hujumchi emas edim. Hujumchi sifatida o‘ynashga ko‘nikkanman. Ilgari qanotda o‘ynaganman, lekin ko‘pchilik buni unutmoqda. Kilian odatiy hujumchilardek bo‘lmasligi kerak. Uning o‘rnida bo‘lganimda, Krishtianu Ronaldu markaziy hujumchi sifatida o‘ynagani kabi o‘ynagan bo‘lardim”, — deydi Ronaldu.