Neymar "Santos"dagi ilk mashg‘ulotiga shaxsiy vertolyotda keldi.
«Globo Esporte» xabariga ko‘ra, hujumchi Rio-de-Janeyro shtatining Mangaratiba shahridagi uyidan "Santos" klubi bazasiga borgan. Shu bilan birga, Neymar yaqin kelajakda oilasi bilan Santosga ko‘chib o‘tishni rejalashtirmoqda - futbolchi kelasi haftada Morro shahrining nufuzli hududidagi qasr sotib olishni yakunlashi kutilmoqda.
Neymarning 2019 yilda ishlab chiqarilgan shaxsiy vertolyoti ikki uchuvchi va sakkiz nafar yo‘lovchiga mo‘ljallangan bo‘lib, noqulay ob-havo sharoitida ham ucha oladi. Mangaratibadan Santosga parvoz taxminan bir soat davom etdi.













