Неймар "Сантос"даги илк машғулотига шахсий вертолётда келди.

«Globo Esporte» хабарига кўра, ҳужумчи Рио-де-Жанейро штатининг Мангаратиба шаҳридаги уйидан "Сантос" клуби базасига борган. Шу билан бирга, Неймар яқин келажакда оиласи билан Сантосга кўчиб ўтишни режалаштирмоқда - футболчи келаси ҳафтада Морро шаҳрининг нуфузли ҳудудидаги қаср сотиб олишни якунлаши кутилмоқда.

Неймарнинг 2019 йилда ишлаб чиқарилган шахсий вертолёти икки учувчи ва саккиз нафар йўловчига мўлжалланган бўлиб, ноқулай об-ҳаво шароитида ҳам уча олади. Мангаратибадан Сантосга парвоз тахминан бир соат давом этди.