"Paxtakor" bosh murabbiyi Pedru Moreyra Elit Chempionlar ligasi doirasida bo‘lib o‘tgan "Al-G‘arafa"ga qarshi o‘yindan keyin o‘z fikrlarini bildirib o‘tdi.

"O‘yin qiyin kechishini bilgandik. Chunki raqibimiz yaxshi saviyada va ularda mavsum davom etmoqda. Birinchi bo‘limda raqibga bir necha imkoniyat berdik va ular bundan foydalanishdi.

Doim g‘alaba uchun o‘ynaymiz. Hozir biz navbatdagi bellashuvda yutuq haqida o‘ylashimiz kerak. Ikkinchi bo‘limda yaxshi o‘ynadik, sur’atni nazorat qildik. Mezbonlarga oldinga o‘tishga imkon bermadik. Faqat vaziyatlar yaratishda kamchiliklar bo‘ldi. Buning ustida ishlashimiz lozim. Biz endi birinchi rasmiy uchrashuvda maydonga tushdik.

Bizni stadiondan qo‘llab turgan ishqibozlarga rahmat aytaman. Ular jamoani yaxshi ko‘rishadi va bunga munosib javob berishga harakat qilamiz", — dedi Moreyra.