"Inter" hujumchisi Xoakin Korrea joriy mavsum yakunlanganidan keyin jamoani tark etadi.
Argentinalik futbolchining “neradzurrilar” bilan shartnomasi iyul oyida tugaydi va u uzaytirilmaydi, deya xabar beradi insayder Nikolo Skira. 30 yoshli futbolchi erkin agentga aylanadi va nomi oshkor etilmagan bir qancha klublar uni o‘z safiga qo‘shib olmoqchi.
Xoakin Korrea 2021-yilning yozidan buyon “Inter” safida harakat qilmoqda. Umuman olganda, futbolchi milanliklar safida 82 ta o‘yin o‘tkazib, 11 ta gol urgan va 7 ta golli uzatmani amalga oshirgan.
Forvard Simone Indzagi jamoasi tarkibida ushbu mavsumda beshta o‘yinda maydonga tushib, bitta gol urdi va ikkita golli uzatmani amalga oshirdi.













