"Интер" ҳужумчиси Хоакин Корреа жорий мавсум якунланганидан кейин жамоани тарк этади.

Аргентиналик футболчининг “нерадзуррилар” билан шартномаси июль ойида тугайди ва у узайтирилмайди, дея хабар беради инсайдер Николо Скира. 30 ёшли футболчи эркин агентга айланади ва номи ошкор этилмаган бир қанча клублар уни ўз сафига қўшиб олмоқчи.

Хоакин Корреа 2021-йилнинг ёзидан буён “Интер” сафида ҳаракат қилмоқда. Умуман олганда, футболчи миланликлар сафида 82 та ўйин ўтказиб, 11 та гол урган ва 7 та голли узатмани амалга оширган.

Форвард Симоне Индзаги жамоаси таркибида ушбу мавсумда бешта ўйинда майдонга тушиб, битта гол урди ва иккита голли узатмани амалга оширди.