"Комо" жамоаси бош мураббийи Сеск Фабрегас ўз жамоаси етакчиси Николас Паснинг келажакдаги фаолияти ҳақида фикр билдирди. Аввалроқ ҳужумкор ярим ҳимоячи ёзги трансфер ойнасида Мадриднинг "Реал" клуби томонидан сотиб олиниши ҳақида хабарлар тарқалган эди. Шунингдек, миланликларнинг "Интер" клуби ҳам футболчига қизиқиш билдираётгани айтилганди.
"Пас "Интер"га ёки бошқа бирор клубга ўтмайди. Нико ёки Мадриднинг "Реал" сафида, ёки "Комо" таркибида ўйнайди. Бошқа ҳеч қандай вариант йўқ", — дея мутахассиснинг сўзларини келтиради Фабрицио Романо.
Жорий мавсумда А Серияда Пас 40 та учрашувда майдонга тушиб, ўз ҳисобига 13 та гол ва 8 та голли узатмани ёздириб қўйди.
