Австриялик марказий ҳимоячи Давид Алаба жорий мавсум якунида Мадриднинг "Реал" клубини тарк этади. Бу ҳақдаги маълумот "қаймоқранглилар"нинг расмий сайтида эълон қилинди.
Алаба Мадрид клуби сафига 2021 йилда, Мюнхеннинг "Бавария" жамоаси билан шартномаси якунланганидан сўнг эркин агент сифатида келиб қўшилган эди. "Реал" таркибида 33 ёшли ҳимоячи 131 та ўйин ўтказиб, ўз ҳисобига 5 та гол ва 9 та голли узатмани ёздириб қўйди.
"Қироллик" клуби либосида Алаба икки марта Чемпионлар лигаси ғолиби бўлди, шунингдек, икки бор Ла Лига чемпионлигини қўлга киритди. Испания чемпионати якунланишига бир тур қолганда, "Реал" 83 очко билан турнир жадвалида иккинчи ўринни эгаллаб турибди.
