Мадриднинг «Реал» клуби бош мураббийи Альваро Арбелоа Ла Лиганинг 38-тури доирасидаги «Атлетик»ка қарши ўйиндан сўнг ўз лавозимини тарк этишини маълум қилди.

Арбелоа январь ойи ўрталарида Хаби Алонсонинг ўрнини эгаллаган эди. «Мадрид» ушбу мавсумни совринларсиз якунламоқда. Яқин орада жамоани ўз фаолиятида иккинчи бор Жозе Моуриньо бошқариши кутилмоқда.

«Ҳа, мен кетяпман. Мен кимдир мажбур қилгани учун эмас, балки ўзим ишонган ишларни қилдим. Келган пайтимда жамоа қандай ҳолатда эканини ва нималарга дуч келишимни билардим. Агар ҳаммасини бошидан бошлаганимда, барчаси бошқача бўларди. Лекин менга шундай қисмат насиб этди ва қўлимдан келган энг яхши ишни қилишга ҳаракат қилдим. Ўзим хоҳлагандек эмас, балки имкони бор энг яхши йўл билан. Биз кўп нарсани яхши уддаладик ва эришган натижаларимиздан мамнунман.

Умид қиламанки, биз яна кўришамиз. Мен ҳар доим «Мадрид»ни ўз уйим деб билганман. Бу ерда 20 йил давомида бўлдим — ҳа, бу менинг уйим», — деди Арбелоа.