«Барселона» клуби президенти Жоан Лапорта Мадриднинг «Реал» клуби раҳбарияти томонидан Негрейра иши бўйича яқинда билдирилган баёнотларга кескин муносабат билдирди. Лапорта азалий рақибни эътиборни ўз муаммоларидан чалғитишга уринишда айблади.

«Негрейра иши билан боғлиқ бўлган ва аслида ҳеч қандай иш ҳам ҳисобланмайдиган бу нарсаларнинг барчаси — ёлғон. Менимча, «Реал» икки йил давомида ҳеч қандай соврин юта олмаганликларидан эътиборни чалғитиш ва кўзбўямачилик яратиш учунгина бу ҳақда гапирмоқда», — дея Лапортанинг сўзларини келтирмоқда «Barca Universal» нашри.

«У ўз омадсизликларини яшириш учун «Барселона»дан ниқоб сифатида фойдаланмоқда. Клубимиз тегишли тартибда жавоб қайтариш учун ушбу баёнотларни атрофлича таҳлил қилмоқда».